Grunneger Stampot dreuge bonen van mien moe

Stampot Dreuge bonen van mien moe.

Mien waikschilde bonen dij kommen zo slecht op` zingt Ede Staal. De kritische luusteraar
zel zuk zunder twievel ofvroagen of t ook bekìnd is dat der ook haardschilde
bonen bestoan. Nou, dit is wizze t gevaal. Waikschilde binnen bievubbeld prinsessebonen,
sperziebonen en Oldambtster Witte. Van haardschilde kommen de broene,
strogele en citrounbonen.

Hier t dreuge bonenrecept van mien moe.

Voorbereiding

struup de bonen van t droad òf en was ze goud en sekuur. Zet ze n nacht in n schuddel mit roem wotter te waiken. Noa n nacht wellen gaiten je t waikwotter der vanòf.

Bereidingswijze

Din doun je bonen in n pazende panne en zet ze weer op mit vris wotter. Wieders doun je de ziede deurwozzen spek der bie tou. Din brengen je t spul aan de kook en loaten t om en bie n uur en n ketaaier kaalm en bedachtzoam goaren. In tussentied schillen je d` eerappels en snieden der blokkies van. Dit doun je din soamen mit de drij worsten en de gerookte gezolte zwiene binke bie de dreuge bonen. Din loat je t nog n vatteg menuten mitkoken. Noa t goaren t spek en worst en de gerookte gezolte zwiene binke der uutnemen en t op n waarme stee hìnleggen. Dreuge bonen en eerappels deur n kaander stampen en zo neudeg op smoak brengen mit wat peper en zolt. t Oog eet aaltied mit, vandoar dat je van dit feestmoal wat moois moaken kinnen deur dreuge bonen mit toubeheuren te serveren op n vlakke schuddel. Smoakelk eten!

Bron

kookte mijn moeder altijd nieuw jaars dag

Serveertip

lekker mit plak gebakken spek en een gerookte gezolte zwiene binke ( die je eem mit kookt hebt op de bonen )

Smoakelk eten!